Kabanata 332

“Siya nga pala, ang tagal mong hindi nakabalik sa opisina. Namimiss ka na ng mga katrabaho mo dati. Pero, okay na ngayon. Pwede na tayong magkita kahit kalian natin gusto.” Sabi ni Guan Lili habang hinila si Ling Yiran papasok ng opisina. “Dahil nandito ka na, bakit hindi mo puntahan ang mga katrabaho mo dati?” Tiningnan ni Ling Yiran si Guan Lili. Alam na niya kung ano ang binabalak nito. Sa kasong iyon, dapat ay harapin nalang niya ang mga ito. Kung siya ay aalis, tatawanan lang siya ng mga ito. “Sige, pupuntahan ko sila.” Sabi ni Ling Yiran na walang pag aalinlangan. Ang ugali niya, sa kabaligtaran, ay ikinagulat ni Guan Lili. Kung sabagay, hindi ito ang inaasahan niyang makita. Noong sila ay nasa loob na, pumalakpak si Guan Lili sa opisina at kinuha ang atensyon nang lahat. “Hali kayo at tingnan niyo kung sino ang nandito. Si Yiran, ang dati nating katrabaho, pumunta siya para makita tayo.” Sa isang iglap, ang mga tao sa opisina ay tumingin sa direksyon kung nasaan sila. Hab