Kabanata 181

Hirap na hirap ng magsalita si Ling Yiran. “Oo.” Sagot ni Yi Jinli. Nangako siya at gusto niyang tuparin ito lalo na at tumupad si Ling Yiran sa usapan nila. Kinuha niya ang hawak na baso ni Ling Yiran at inubos ang laman nito. 'Siguro nga lasing na lasing na siya kasi kung hindi, hindi niya naman siguro ako tatawaging Jin. ' Hindi rin alam ni Yi Jinli kung bakit pero sobrang saya niya nung tinawag siya nitong 'Jin' lalo na at sobrang lambing pa ng tono ng boses nito. Hindi siya sigurado pero mukhang nangulilala siya sa boses ni Ling Yiran at sa tawag nitong 'Jin' sakanya. Muling ngumiti si Ling Yiran kay Yi Jinli at maya-maya pa ay.... bigla itong yumakap sakany. "Jin... Inaantok na ako. Sobraaaa... Tutumba na ata ako..." At noong oras din na yun, tuluyan ng natumba si Ling Yiran sa braso ni Yi Jinli. Masayang pinagmasdan ni Yi Jinli ang natutulog na mukha ni Ling Yiran. 'Kung nasa katinuan ka, sigurado akong hindi mo to gagawin kasi alam kong takot na takot ka sakin.