Kabanata 169

Para sa isang taong kagaya ni Yi Jinli, malamang hindi ito marunong tumanggap ng pagkatalo. "Bakit ka pa pumayag na makipagkita ako? Para ipamukha sakin kung gaano kataas ang kapangyarihan mo at kahit anong pagmamakaawa ko, wala akong mapapala?" Pautal-utal na sabi ni Ling Yiran. Ngumiti si Yi Jinli, at inayos ang hibla ng buhok ni Ling Yiran na dumampi sa pisngi nito. "Sabi mo ayaw mo akong makasama at hindi mo ako kailangan? Akala ko ba hindi mo pagsisihan?" Sobrang kalmado ng boses ni Yi Jinli. Yumuko siya at nilapit ang mga labi niya sa tenga ni Ling Yiran. Habang nararamdaman ni Ling Yiran na dumadampi sa balat niya ang mainit nitong hininga, lalo siyang naninigas at pabilis ng pabilis ang tibok ng puso niya. "Kaya ako pumayag na makita mo ako para maipaintindi ko sayo na hindi ka dapat nagbibitaw ng mga salitang hindi mo naman kayang panindigan." Sabi ni Yi Jinli habang nakatitig ng diretso sa mga mata ni Ling Yiran. Nang sandaling yun, pakiramdam ni Ling Yiran ay n