Kabanata 102

Pagkatapos, tumalikod si Natasha at nagpatuloy siya sa pakikipag usap kay Nellie. Habang nakaupo sa sulok, humigpit ang mga kamao ni Luna sa ilalim ng mesa habang nakikinig sa pag uusap ng dalawa. Hindi ganun ang nangyari! Hindi ganun! Hindi niya kailanman nakalimutan ang mga magulang niya. Lagi niyang namimiss ang tahanan nila. Noong gusto niyang pakasalan si Joshua, ayaw niya rin naman awayin ang mga magulang niya! Si Aura ang dahilan! Sa mga oras na ‘yun, minahal at pinagkatiwalaan niya talaga si Aura! Sinabi niya kay Aura, “‘Luna, ‘wag kang mag alala. Pakasalan mo na lang si Mr. Lynch. Nandito pa rin ako sa tahanan natin.” “Sinabi ni mama at papa na gusto na nilang humiwalay sayo, pero tinatakot ka lang nila. Mahal ka parin talaga nila, hindi mo ba naaalala?” “Gawin mo lang ang gusto mo. Tutulungan kita kay mama at papa.” Sa mga oras na ‘yun, paano paghihinalaan ni Luna ang kapatid niya, na siyang lumaki kasama niya? Kaya naman, masaya siyang nagpakasal kay Joshua at lumi