Kabanata 83

Matapos ang mahabang panahon, nagbago na ang nararamdaman ni Bernice. Wala na ang galit niya noon at sama ng loob. Tumango lang si Andrew at walang sinabi. Simula ng paghihiwalay nila, nasa magkaibang landas na sila. Ngayon, ang kahit na anong sabihin pa nila sa isa’t isa ay mukhang wala ng saysay. Noong paalis na si Andrew, nag-alinlangan si Bernice bago nagtanong, “Kayo na ba ni Elise ngayon?” Kanina pa siya napapaisip kung bakit nagtatrabaho si Elise dito, pero ang pagpapakita ni Andrew ang mukhang nagbigay ng kalinawan sa mga bagay para sa kanya. Ngunit, nilampasan siya ni Andrew na tila ba hindi siya narinig. Agad siyang nakahabol kay Camilla, na hindi pa nakakalayo. Sa isang iglap, naramdaman agad ni Bernice ang pakiramdam ng maging hindi magkakilala. Sabang wala siya sa sarili kakaisip, nakaramdam siya ng vibration sa bulsa niya. Kinuha niya ang kanyang phone, at nakita na tawag ito mula sa dating kliyente. Sinagot niya agad ang tawag. “Ms. Collins, narinig ko na naparit