Kabanata 21 Naririnig Mo Ba Ito Sean

Kapag nalaglag ang isang tao sa bangin ng kasamaan, ang puno’t dulo ng lahat—ay ang mabuhay. Tumingin siya sa parang batang mukha ni Susie. Isang buhay na maliwanag at makulay tulad ng sa kanya ay bagay na kailanman hindi magagawang maabot muli ni Jane. “Ikaw! Paano mo nagagawang makangiti?” Pumadyak ng malakas si Susie. “Alalahanin mo ito mula sakin, Jane, hindi mahalaga kung gaano kalaki ang kinikita mo, dahil pangit na ang tingin ng lahat sayo! Kahit ang mga modelo sa P.R. department na binebenta ang kanilang katawan para sa pera ay mas may dignidad pa kaysa sayo! Itinapon mo na ang pride mo ng ginawa mo ang bagay na ganun, kaya sino pa ba ang rerespeto sayo ngayon?” Pagkatapos nito, mayabang siyang huminga at tumalikod palayo kay Jane. Nakatayo lang si Jane ng matagal na panahon doon bago siya naglakad pabalik sa kanyang kwarto. Pagod ang makikita sa buo niyang mukha at ang mga sinabi ni Susie ay naririnig pa din niya… ‘Ginagawa ko lang ito para kumita ng pera para sa aking tuit