Kabanata 589

Nagsalubong ang kilay ni Luna. Kung may kinalaman ito kina Neil at Nellie, hindi niya gugustuhing makipagtalo pa kay Joshua. Kalmadong tinignan ni Luna si Arianna. "Mauna na kayong tatlo. May pag-uusapan lang kami ni Mr. Lynch." "Sige po." Tumango si Arianna, pagkatapos ay sinama niya sina Samson at Zayne at umalis. Habang naglalakad ang tatlo, nagtanong si Samson nang pabulong. "Sino ba ang Neil at Nellie na binanggit ni Mr. Lynch?" Kaagad na sumagot si Arianna, "Sila ang kambal na anak ni President Lynch." "Anong kinalaman nila kay Director Luan?" "Mahabang storya…" Lumayo nang lumayo ang mga boses nila. Nang tuluyan silang maglaho sa paningin ni Luna ay doon lamang siya bumuntong-hininga at sinara ang pinto. "Mr. Lynch, pwede mo nang sabihin sa'kin." Ngumiti si Joshua. Tumalikod siya at umupo sa upuan ni Luna, may pangungutya sa kanyang mga titig. "Hindi ko inakala na nakakaakit ka pala talaga na handang putulin ni Theo ang ugnayan niya sa mga magulang niya."