Kabanata 1177

Tumango si Neil nang marinig ang mga sinabi ni Aura. Dahil ito ang sinabi ng nanay niya, ibig sabihin ay sa susunod na tatlong araw, magiging ayos lang ang Uncle Theo niya. Nang matanggap ang sagot ni Neil, sumingkit ang mga mata ni Aura at tinulak niya si Neil papunta kela Nigel at Nellie. Nagkaharap na silang tatlo sa wakas. Sumingkit ang mga mata ni Nigel at tumingin siya kay Neil, hindi siya gumagalaw. Samantala, mabagal na inabot ni Nellie ang kamay niya para hawakan ng sabik ang kamay ni Neil. “Hello, Jake! Ikinagagalak kong makilala ka!” Narinig ni Nellie kung paano sinagot ni Neil si Granny Lynch noong nagyakapan ang dalawa kanina, kaya’t sumunod si Nellie at tinawag niyang Jake ang batang ito. Sa totoo lang, kahapon, sinabi na ito ng Mommy nila sa kanila ni Nigel. Alam na nila na iba na si Neil kaysa sa dati, wala siyang maalala sa nakaraan o kung sino sila. Kaya naman, kahit na masama ang loob ni Nellie kay Neil dahil sa mga sinabi nito kanina, tinanggap niya pa rin s