Kabanata 222 Wala Akong Tiwala Sa’yo

"Hindi na ba ko makatuwiran?" napasimanot si Henry. Huminga nang malalim si Yvonne. "Oo. Para sa akin, wala na sa lugar ang ginawa mo ngayon." Nagalit si Henry sa narinig. Tinikom niya ang kanyang bibig at seryoso na sumagot. "Yvonne, sinasabi mong wala ako sa lugar. Mali ba na protektahan ko ang asawa ko? Tama ba na hayaan kong hawakan ng ibang lalaki ang misis ko?" Napansin ni Yvonne na galit na si Henry. Hindi siya mapalagay. "Hindi 'yon ang ibig kong sabihin. Parang grabe naman ata ang reaksyon mo. Ayaw mong hawakan ako ng ibang lalaki. Naiintindihan ko 'yon. Pero maliit na bagay lang ang ginawa ni Shane. Bakit kailangan mong..." "Maliit na bagay?" Naging seryoso ang boses ni Henry. "Yvonne, sa tingin mo maliit na bagay lang 'yon?" "Hindi ba? Hinaplos lang naman niya ang ulo ko gamit ang folder. Ni Hindi niya ginamit ang kamay niya. Bakit sobrang apektado ka dun?" sabi ni Yvonne. Labis na ang galit ni Henry kay Yvonne ngayon. Nilamon siya ng matinding emosyon.