Kabanata 990 Gumawa ng Tamang Desisyon Kahit Pa Mahirap Ang Sitwasyon

Naging magulo ang isip ni Tiffany nang marinig niya ito. Hindi niya mawari kung ano man ang nasa isip ni Jackson. Siyempre, gusto niyang maging matagumpay sa kanyang career, pero ayaw niyang isuko ang kanyang anak para doon. Nang mabalitaan niya ang tungkol sa kanyang pagbubuntis, ang bumalot lamang sa kanya ay kagalakan at sorpresa. Mula nang makita niya ang cute na itsura ni Smore, gusto na niya ng sarili niyang anak. Nagplano si Tiffany na manghingi ng maternity leave kapag malapit na siyang manganak at pagkatapos nito ay ipagpapatuloy niya ang pagtatrabaho pagkatapos mag-expire ang leave. Kailanman ay hindi sumagi sa isip niya ang magpalaglag. "Hindi pwede. Hindi ko ipapalaglag ang bata. Hindi naman ito makakaapekto sa trabaho ko," sabi niya. Natahimik si Jackson bago siya sumagot, “Makinig ka sa akin. Magpa-abort ka." Doon naintindihan ni Tiffany na ang kanyang pananaw ay hindi kasama sa consideration ni Jackson. Naging malamig ang pakiramdam niya dahil sa realization na ito.