Kabanata 79 Bakit Kailangan Mo Na Naman Ng Pera?

“Wala rin mangyayari.” Tinabi ni Henry ang kanyang laptop at bahagyang napatulala. “Masyadong marami ang kaaway ng mga Lancaster. Hindi natin mabibilang lahat lalo na kung isasama ang mga dati pang kaaway. Mahihirapan pa rin tayong hanapin kung sinong dumukot sa kapatid ko.” “Pero mahirap rin pong mahanap si Young Mr. Lancaster sa ganitong paraan.” “Alam ko.” Pinagkuskos ni Henry ang kanyang hintuturo at hinlalaki bago nagsalita, “Hmm, sabihin mo sa firm na ituloy lang ang imbestigasyon. Nahanap nila ang record ng DNA ng kapatid ko, sigurado akong kaya rin nilang malaman ang mismong araw na nangyari ang surgery pati na ang doktor na nagsagawa no’n.” Kahit pa nabura na ng mga dumukot sa kanyang kapatid ang lahat ng record tungkol dito, siguro naman ay hindi nila pinatay ang Plastic Surgeon na nagsagawa ng surgery para lang patahimikin ito, hindi ba? Kapag nahanap nila ang Plastic Surgeon, maaaring makahanap pa sila ng ibang impormasyong tungkol sa kanyang kapatid. “Sige ho, sa