Kabanata 280 Paghihiganti

“Ayos lang ako,” sagot ni Yvonne habang pilit na ngumingiti, bahagyang nanunuyot ang kanyang lalamunan. “Medyo nilalamig lang dahil sa hangin.” Pinagkiskis ni Sue ang kanyang mga kamay at sinabing, “Edi bumalik na po tayo sa villa madam.” “Hindi, ayos lang, hintayin na natin si Henry.” Umiling si Yvonne at tiningnan ang ulan. Matapos tumulala ng ilang minuto, lumitaw si Henry mula sa hamog na dulot ng ulan, habang karga si Jacqueline. Basang-basa sila pareho. Nakahiga si Jacqueline sa mga kamay ni Henry habang nakatakip ang wig nito sa kanyang mukha. Kaya naman hindi makita ni Yvonne ang mukha ng babae. Subalit, nakikita niyang tila bangkay si Jacqueline dahil sa sobrang putla ng balat nito. Malinaw na hindi maganda ang kalagayan ni Jacqueline sa mga oras na ito. Subalit, walang pakialam si Yvonne tungkol dito. Nag-aalala lang siya para kay Henry. “H-Henry...” Sinambit ni Yvonne ang pangalan ni Henry habang naglalakad ito sa harap niya. Subalit, hindi sumagot si Hen