Kabanata 278 Munchausen Syndrome

Natuliro si Jacqueline. Ilang beses niyang binuka ang kanyang bibig, ngunit nagtagal bago siya nakapag-salita. "Pero... pero matagal na 'yon. Isipin mo na lang ang dati nating pinagsamahan, hindi mo ba mapapalagpas 'to?" "Pinagsamahan?" mapaglarong ulit ni Henry. "Nagkaroon ba tayo ng relasyon? Kahit na, siguro one-sided lang 'yon. Hindi ba't ginagamit mo lang ako?" "Hindi..." Nakonsensya si Jacqueline at umamo ang kanyang boses. "Hindi kita ginamit. Seryoso din ako sa naging relasyon natin." Nakatayo lang sa hagdan si Yvonne, nakikinig sa kanilang pag-uusap. Ngunit, hindi na niya kayang makinig pa sa kanila. Dalawang beses siyang umubo bago nagsalita, "Miss Conrad, payo ko lang sayo, ‘wag kang humanap ng simpatya. Hindi papakawalan ng hubby ko ang tatay mo, ano man ang sabihin mo. Kung pinapakiusapan mo siyang palagpasin ‘to dahil sa pinasamahan niyo, sa tingin ko matagal na niyang ginawa iyon." Ang marinig ang salitang 'hubby' na manggaling kay Yvonne, para bang nakaramdam si