Kabanata 327

Sa oras na dinala ni Ji Yinfeng si Gu Ruoruo sa bahay, hindi pa natutulog ang mga magulang niya. Nang makita nila ang madungis na babae sa tabi ng kanilang anak, nagulat sila. Tinakpan ni Qin Silian ang kanyang ilong at nagreklamo habang may pandidiri sa kanyang mukha, “Yinfeng, bakit ka nagdala ng ganitong tao sa bahay? Hindi isang charity ang pamilya natin.” Halatang hindi niya nakilala kung sino ang taong ito. “Tita, ako po ito, si Ruoruo.” Nang makita ni Gu Ruoruo na hindi siya nakilala ni Qin Silian, agad siyang nagsalita para sa sarili niya. “Ruoruo?” Nagkatinginan sina Qin Silian at Ji Yunze bago sila tumingin sa anak nila para manigurado. “Opo, siya nga si Ruoruo.” Tumango si Ji Yinfeng. “Diyos ko!” sumigaw si Qin Silian dahil hindi siya makapaniwala. Paano naging posible na mas malala pa sa pulubi ang itsura ng isang napakagandang babae? “Anong nangyari?” ang tanong ni Ji Yunze. Tito, kasalanan po ito lahat ni Tang Ruochu. Kailangan niyo po akong ipaglaban.” Nang