Kabanata 186

Mabilis ding pumasok si Mu Ling. Tumaas ang mga kilay niya nang makita niya kung gaano kalaki ang takot sa mukha ni Tang Ruochu. Pagkatapos, tumingin siya sa mukha ni Lu Shijin. Sa sobrang dilim ng ekspresyon ni Lu Shijin ay matatakot ang sino mang makakita nito. Galit na galit siya sa pagdurusang pinaranas nila kay Tang Ruochu. Masasabi ni Mu Ling na sa tagal niya nagtrabaho para kay Lu Shijin, ito talaga ang unang pagkakataon na makita niya na galit na galit ang kanyang boss. Sa mga puntong ito, inaresto na ang apat na lalaki. Ang mga kamay nila ay nakaposas, at ang mga mukha nila ay puno ng pagkatalo. Nanginig ng kaunti ang puso ni Mu Ling. Mabilis siyang lumingon sa isang pulis sa tabi niya at sinabing, “Sir, pakiusap ingatan niyo ang pagharap sa kanila. Galit na galit po ang CEO namin. Mabuti po kung makakakuha kayo ng impormasyon sa kung sino ang nasa likod ng lahat ng ito. Walang tanim na sama ng loob ang mga gangster na ‘to kay Madam.” “Assistant Mu, ‘wag kayong mag alala.