Kabanata 992

”Kayo nang bahala sa mga bangkay!” Ngumiti ng mapait si Fane nang makita niya ang nagkalat na mga bangkay sa paligid. Gusto niyang hanapin ang dragon scale ng walang anumang ingay, at hindi niya ginusto na magkaroon ng gulo. Hindi niya inasahan na mangyayari ito. Patay na ang Wagner family. Bukod dito, marami rin sa mga fighter mula sa Gin City ang namatay. Mukhang marami sa mga makapangyarihang pamilya sa Swallow City ang nakatutok sa kanya at sa pamilya niya ngayon. Gayunpaman, ngayong naisip niya ang tungkol dito, mabuti na rin siguro ang nangyari. Kahit paano, matatakot sa kanya ang mga pamilyang naghanda ng patibong para sa kanya pagkatapos ng insidenteng ito. "Natakot ako sa dami ng taong sumugod dito. Buti na lang talaga malakas ka. Baka namatay na tayo kung hindi!" Lumabas si Fiona at ang iba mula sa bahay nang makita nila na inaalis na ng mga bodyguard ang mga bangkay. Tinapik ni Fiona ang kanyang dibdib. Halatang bumabawi pa lang siya sa kanyang pagkagulat.