Kabanata 796

Ang komento ni Fiona sa tatay ni Selena—ang sarili niyang asawa—ay ikinagulat ni Selena hanggang sa puntong wala siyang masabi. Inirapan niya si Fiona. “Ma, mabait na tao si Papa. Isa siyang taong di madalas magsalita at matapat. Masasabing isa siyang responsableng tao na hindi matigas ang ulo, at dapat matuwa ka sa ugali niya. Bukod pa riyan, mula noon di pa siya tumingin sa ibang babae diba?” Kaagad na nagalit si Fiona nang matapos si Selena sa pagsasalita, “Hm? Haha! Ayos lang sa akin kung kumuha siya ng isa pang asawa kung talagang kaya niya. Salungat nito, kung di niya kaya at gusto niya pa ng isa pang asawa, tuturuan ko siya ng leskyon!” Huminto si Fiona bago magpatuloy, “Sa kabilang banda, kung kaya niya at mabibigyan niya ako ng sampung milyon bawat buwan para gastusin ko sa kahit anong gusto ko, wala na akong pakialam kahit may dalawa o tatlong asawa pa siya!” Walang masabi si Fane at Selena nang marinig nila ang sinabi ni Fiona. Mukhang talagang mahilig sa pera si Fiona.