Kabanata 2317

Ngumuso si Fane, hindi niya gaanong inisip ang tungkol dito. "Sa tingin ko makakabalik pa siya. Basta't mamatay tayong lahat dito, walang makapagpapatunay sa ginawa niya. Natural lang na makakabalik siya nang ligtas at baka makatanggap pa siya ng malaking gantimpala. " Ang iba ay halatang naasar dito. Kahit na mahirap para sa kanila na punahin ang sitwasyon, kabilang na ang katayuan ni Griffin at pati na rin ang iba pang mula sa Dual Sovereign Pavilion, tahimik pa rin nilang kinaiinisan ang mga ginawa ni Griffin. Maging ang mga g*go ay ayaw sa mga taong ang alam lang ay sumipsip sa iba kapag nagkakaroon ng problema. Nagngitngit ang mga ngipin ni Isaiah noong sinabi niya na, “Sumusobra na siya. Hindi na maganda ang ginawa niya noon, pero ang ginawa niya sa pagkakataong ‘to—” “Tama na ‘yan.” Nagsalita si Fane at tinaas niya ang kanyang kamay, “Hindi tayo dapat mag-aksaya ng lakas na pag-usapan siya sa puntong ‘to.” Pagkatapos ay dahan-dahang tumayo si Fane at tumingin siya kay Graha