Kabanata 1822

"Bakit sila bumalik? Ano namang gusto ng Bloodshed Clan ngayon?" Nagtaka ang isa sa mga fortress master, hindi niya maintindihan kung bakit bumalik ang Bloodshed Clan pagkatapos umalis kani-kanina lang. Higit pa roon, marami sa kanila ang nandito sa pagkakataong ito, at mukhang nasa halos 70,000 ang mga tao nila. Mukhang dinala ng Bloodshed Clan ang buo nilang grupo rito. Noong una ay gustong pagalitan ng First Fortress Master kung sino man ang nagpatunog ng kampana, pero nang nakita niya ang Bloodshed Clan, sumama ang ekspresyon niya at hindi niya pinansin kung sinoman ang nagpatunog ng kampana. Maingat na inisip ni Austin ang sitwasyon bago malakas na nagtanong kay Edward, "Clan Master Edward, anong ibig sabihin nito? Hindi ba sinabi niyo na kakaunting tao lang mula sa inabandonang mundo ang nakapasok sa gubat? Hindi ba hinahanap niyo sila para patayin? Bakit gumagawa na naman kayo ng gulo?" Malamig na ngumiti si Edward at nagsabing, "Hmph! Wag na kayong magpanggap. Pinatay n