Kabanata 526

Nagbago ang mukha ni Madeline nang marinig ito. "Ibaba mo na kaagad si Jack. Nakita mo naman na siguro kung anong ugali ang mayroon ang pinsan mo sa akin kanina. Ayaw kong magkaroon ng isa pang Meredith na ibabaling ang hinanakit niya kay Jack dahil lang sa ayaw niya sa akin." May gustong sabihin si Jeremy pero hindi na lang niya itinuloy. Kaagad siyang umakyat para ibaba si Jackson. Hinabol sila ni Karen sa pinto at tinanong kay Jeremy kung bakit bigla niyang kinukuha si Jackson. Hindi sumagot si Jeremy pero si Yvonne na nakasunod sa kanya ay nagsalita para manira. "Aunty, dahil ito sa gumagawa ng gulo si Madeline! Nakasalubong ko siya sa baba kanina at di lang niya ako inapi, sinabi pa niya kay Jeremy na natatakot siyang sasaktan mo daw si Jack kaya sinabi niya na ibalik kaagad sa kanya si Jack!" Nang marinig ito, nagkaskasan ang ngipin ni Karen sa galit. "Ang p*ta na yan. Wala siyang preno noon, pero mas lalo na ngayon! Kailangan kong ipaalan sa kanya kung gaano ako kagaling