Kabanata 209

Hindi niya maintindihan ang tingin ng mga mata ni Jeremy. Mahigpit niyang hinawakan ang manipis na braso ni Madeline, unti-unti niya itong hinihigpitan para hindi siya makawala. Hindi na niya muling bibitawan ang kanyang kamay. Hindi na… Kalmado lang si Madeline sa harapan ng pagdududa ni Jeremy. Ngumiti siya na para bang pinapakita ang kanyang inis. "Sa pagkakaalala ko, Mr. Whitman, nangako ka sakin na hindi mo na ako pagsuspetyahan na ako ang ex-wife mo na si Madeline Crawford." Nang marinig niya ang kanyang sagot, kaagad na nawala ang pag-asa sa mga mata ni Jeremy at unti-unting kumalma ang kamay niya na nakahawak kay Madeline. Binawi ni Madeline ang kanyang kamay at uminom ng champagne. "Sa totoo lang, nakakainis na palagi na lang akong tinatrato na isang patay na tao. Kung hindi lang ako takot sa sakit, baka nga binago ko na ang mukha ko." Biglang tumingin sa kanya si Jeremy. "Wag kang magparetoke." "Hmm?" Bahagyang tinaas ni Madeline ang kanyang mga kilay. Saglit