Kabanata 206

Takot na takot si Tanner, namumutla ang kanyang mukha at nanlaki ang kanyang mga mata sa takot. "Umalis ka, Madeline! Wag mo na kong guluhin! Bi… Binayaran lang ako para gawin 'yon!" "Tanner Long!" Kaagad na pinutol ni Meredith ang kanyang sinasabi at kinakabahang tinawag ang mga bodyguard. "Dali, ilabas niyo ang taong 'yan!" Tinuro ng nanginginig na daliri ni Tanner si Meredith at hindi siya pinansin. "Madeline Crawford! Kung… Kung magmumulto ka para maghiganti, siya ang multuhin mo! Utos 'yon lahat ni Meredith!" Sa mga salita ni Tanner, pakiramdam ni Meredith ay nanlamig ang kanyang buong katawan. Habang nararamdaman ang pambihirang lamig na pumapalibot sa kanya, hindi niya maisip ekspresyon sa mukha ni Jeremy. "Anong nangyayari? Sino ang lalaking 'to? Anong ibig sabihin ng mga sinasabi niya?" Kaagad na lumapit si Mrs. Whitman para magtanong. Natatarantang binago ni Meredith ang usapan. "Mrs. Whitman! Siya si Tanner Long. Magkalaguyo sila dati ni Madeline. Sila rin ang