Kabanata 98 Hindi Bagay

Patuloy na nagtrabaho si Gideon habang nakaupo si Nell sa sopa at sinusuri ang bago niyang cellphone. Nagpadala muna siya ng isang mensahe kay Janet at saka binuksan ang Weibo. Bilang isang taong nagtatrabaho sa PR, mahalaga para sa kanya na alam niya ang nangyayari sa entertainment industry sa lahat ng pagkakataon. Bukod pa sa mga informants na mayroon siya, madalas na kailangan niyang gumamit ng internet para malaman ang mga ganap sa mga artista. Nasa hot search list ng Weibo ang promotional teaser ng ‘Hidden River: Ashley’. Pinindot ito ni Nell para makita. Dahil sikat ang dramang ito sa internet sa loob ng nakalipas na dalawang taon, sabik na sabik ang mga netizens na malaman kung kailan magsisimula ang filming nito. Isang simpleng poster teaser lang naman ang nilabas ngayon. Isang kakaiba ngunit magandang tanawin ng bundok at ilog ang makikita sa pamagat ng pelikula ganoon rin sa pangalan ng main actors. Sa loob ng dalawang araw, pagkatapos makuhanan ng litrato ang cast na