Kabanata 965 Sikolohikal Na Pangangailangan

Tinikom ni Nell ang kanyang bibig saka siya nagsalita, “Sige, nangangako ako, pero kailangan mo ring ipangako sa akin ang isang bagay.” Natuwa si Jean at agad siyang napatanong, “Ano iyon?’ “Huwag mo na ulit sabihin ang mga salitang iyon kay Lizzy. Auntie, alam mo namang anak talaga ang turing ko kay Lizzy. Ayaw kong may sumira ng relasyon namin, lalo na ang mga kamag-anak namin.” Mula sa taranta, napuno ng dismaya ang mukha ni Jean, hanggang sa tuluyan siyang malubog sa hiya. Yumuko siya nang kaunti at nakokonsensya siyang nagsalita. “Hindi ko naman sinasadya. Galit lang talaga ako kaya nabulag ako…” “Wala akong pakialam kung ano ang rason.” Malamig ang boses ni Nell at maririnig ang higpit sa kanyang tono. “Sa madaling salita, ayaw ko nang mangyari ulit ang mga ganitong bagay sa hinaharap.” “Oo naman, pangako. Hindi na ulit ako magsasalita ng ganoon.” Dali-daling pagpapangako ni Jean. Saka lamang tumango si Nell at tumayo. “Huwag kang mag-alala. Kapag kinausap mo si Gide