Kabanata 892 Biglaang Pagbabago

Napasimangot si Vickie nang titigan niya si Lucius. Hindi niya alam kung alin ang totoo at kasinungalingan sa sinasabi ng lalaki. Matapos ang lahat, ilang taon nang namatay ang kanyang ina at wala na rin siyang maalala sa kanyang memorya bago siya mag walong taong gulang. Maliban na lang sa iilang eksena sa kanyang isip, wala namang ibang pumapasok sa kanyang utak. Hindi niya naman pwedeng tanungin ang isang patay. Bukod pa roon, hindi niya mapaniwalaan nang buo ang mga salita ng lalaki. Nahihirapan si Vickie na matanggap ito. Nang maisip ito, tila ba may pagtatakang kumislap sa kanyang mga mata. Tinignan niya si Lucius saka muling nagsalita, “Sige, sabihin nating totoo ang sinasabi mo, sa tingin mo ba mapapanatili mo ako sa ganitong paraan?” Tinignan ni Lucius si Vickie habang banayad ang mukha, “Vickie, gusto ko lang naman na magkaroon tayo ng oras para magkakilala. Syempre, kung gusto mong umalis pagkatapos, hindi naman kita papahirapan.” Ngumisi si Vickie. “Paano naman a