Kabanata 834 Isang Pakana

Nagpasalamat si Vickie saka siya umupo sa wheelchair. Napansin ng pulis ang dalawang binti ni Vickie na hindi makagalaw. Kahit wala siyang sinabi, ramdam ni Vickie ang simpatiya mula sa mga mata nito. Mukhang nagkaroon ito ng imahinasyon tungkol sa mga trahedyang kinaharap ni Vickie. Hindi na ito pinansin ni Vickie. Matapos magpaalam, dinala niya na ang kanyang bagaheng nakalagay sa tapat ng pinto saka pumunta sa ubasan. Wala nang nakatira sa bahay na ito sa loob ng matagal na panahon. Puno na ng mga damot at ilang mga sapot ng gagamba ang buong paligid. Nalanta na rin ang magandang puno sa ubasang ito. Nagpatuloy na si Vickie. Mabuti na lang, walang hagdan sa bahay na ito. Hindi siya mahihirapan. Muli siyang bumalik sa pinto saka nilabas ang susi at pumasok sa loob. Napakadilim ng bahay. Matagal na ring walang tao rito kaya medyo amoy luma ang silid. Nakita ni Vickie ang switch sa gilid. Pinindot niya ito at biglaang nagliwanag ang buong loob. Inangat ni Vickie ang kanyang