Kabanata 700 Isang Kasunduan

Nang maisip ito, napasimangot si Nancy. Nagmadali siyang lumapit kay Nell pagkababa nito. Habang may dala-dalang tuwalya at tubig, agad siyang nagtanong, “Nell, kumusta ang pakiramdam mo? Napagod ka ba?” Ngumiti si Nell saka umiling. “Ayos lang ako”. Kita ang kanyang pagod, pero sapat na ang pag-aalala ni Nancy para gumaan ang kanyang pakiramdam. Noong nagsisimula pa lamang siya kanina, pakiramdam niya may mali. Pero sa ngayon, matapos ang apat na oras, bumuti na ang kanyang kalagayan. Kahit hindi siya makabalik sa dati niyang husay, malaki naman ang kanyang naging progreso ngayon. Naniniwala siyang kapag nagsumikap siya sa susunod na dalawang araw, makakabalik rin siya sa dati. Habang iniisip ito, napatanong si Nell. “Anong oras na?” Tinignan ni Nancy ang kanyang relo. “Lagpas ng alas dose.” Tumango si Nell. “Late na. Umuwi na tayo.” “Sige.” Nag-impake silang dalawa, saka ibinalik ang kotse sa taong sumalubong sa kanila kanina. Nagulantang ang empleyado nang mapanood ang pr