Kabanata 615 Mabilis Na Tibok Ng Puso

Masyadong tahimik sa loob ng kotse. Walang nagsasalita sa kanilang dalawa. Gusto sanang sabihan ni Lucy si Joel na lumabas ng kotse pagkarating nila sa Orchid Villa. Subalit, nakita niyang tulog ito at nakasandal sa bintana ng kotse nang mapalingon siya. Blangko siyang nakatitig at nasorpresa nang kaunti. Ganoon pa man, bumigat ang kanyang pakiramdam nang makita ang eye bags ng lalaki. Hindi alam ng driver na tulog si Joel at tatawagin niya sana ito, agad naman siyang pinigilan ni Lucy. Nilagay ng babae ang kanyang daliri sa tapat ng kanyang bibig saka bumulong, “Shh!” Agad na tinakpan ng driver ang kanyang bibig. Samantala, nilagyan ni Lucy ng unan ang ulo ni Joel. Sumunod, pinakiusapan niya ang driver na kumuha ng jacket sa likod para kumutan si Joel. Pagkatapos nito, lumabas siya sa kotse at saka nagsalita, “Hayaan mom una siyang matulog. Huwag mo siyang istorbohin.” Napatitig ang driver sa kanya at napasulyap siya sa natutulog na Joel. Sinusubukan niyang hanapin ang mga tam