Kabanata 602 Dinukot Siya

Kay Simon ito at binigay niya ito kay Lucy sa nakaraang palabas nila dahil nabagot ang babae at gusto nitong makinig sa mga kanta. Dahil lagi itong ginagamit ni Lucy, hindi siya nagkaroon ng pagkakataon na ibalik ito sa lalaki hanggang sa araw na ito. Ngumiti si Lucy. “Oo.” Sumimangot si Simon at naging komplikado ang kanyang eskpresyon. “Lucy, hindi mo ito kailangang gaiwn. Sinabi ko naman na kahit hind imaging tayo, walang magbabago sa pagkakaibigan natin. Ang mga ganitong bagay…” “Sa iyo ang bagay na ito. Hiniram ko lang naman kaya dapat ko itong ibalik.” Ngumiti nang matapat si Lucy. “Kung gusto mo akong bigyan ng earphones, bilhan mo ako ng bago, hindi ko naman tatanggihan.” Nagitla si Simon, saka niya lang napagtanto ang pakahulugan ni Lucy. Natural na dapat nilang iwasan ang mga tsismis. Ang lahat ng ginagamit ng isang tao ay may simbolo ng kanyang pagmamay-ari. Kapag patuloy na ginamit ni Lucy ang earphones ni Simon, lalong magiging malabo ang relasyon nilang dalawa.