Kabanata 261 Nagpunta si Janet sa Ibang Bansa

Dagdag pa roon, para sa kanya, ang batang ito ay alaala ng lalaki! Hindi ito sinabi ni Janet nang malakas. Ngumiti lamang siya at nagpakita ng isang maliwanag na mukha. “Napag-isipan ko na ito at napagpasyahan kong dalhin siya sa mundo at palakihin. Kahit ano mang paghihirap ang harapin ko, hindi ko pagsisisihan ang ginawa kong desisyon. Bukod pa roon, kahit mahirapan ako, nariyan ka naman, hindi ba? Hindi madaling maging ninang. Gusto mo bang maging anghel de la guardia amin?” Inis na inis si Nell sa puntong wala na siyang masabi. Hindi niya mapigilang mapairap. “Oo na, oo na, oo na! Ako na ang magiging anghel de la guardia niyo, pero paano mo naman ito ipapaliwanag kay Uncle Hancock? Narinig kong nagkaroon kayo ng malaking argumento bago ka umalis. Mukhang hindi ka niya papayagan na bigyang buhay ang bata.” Napatahimik si Janet sa loob ng isang sandali. Sunod, sinabi niyang, “Hindi ako pwedeng magkompromiso. Kung ayaw niya akong patawarin, kailangan na lamang niyang magpanggap