Kabanata 237 Bitag ni Nell

Natigilan si Nell. Tinignan niya ang lalaki at nakita niya ang malalim nitong tingin sa mukha. May maliliit na pasa sa ilalim ng kanyang mata. Tila ba hindi siya nakatulog nang maayos kagabi. Matapos magpabalik-balik ng biyahe, kita ang pagod nito. Agad siyang nanlambot, sa totoo lang, nakokonsensya siya. Agad naman siyang nagpaliwanag, “Pasensya na talaga, hindi ko ito naisip. Nagkamali ako. Hindi na ako magpapadalos-dalos sa susunod.” “May susunod pa?” Napataas ang kilay ni Gideon sa tanong. Natahimik naman si Nell. Sinubukan niyang abutin ang manggas ng lalaki pero nakabalot ang kanyang mga kamay sa benda. Hindi niya nga halos magalaw ang daliri, kaya siniko niya na lamang ito nang marahan. “Hindi na mauulit, huwag ka nang magalit.” “Pangako?” “Pangako.” “Paano kung may susunod pa?” Nag-isip si Nell at sinabi sa isang seryosong mukha, “Kung may susunod pa, pwede mo akong parusahan sa paraang gusto mo at hindi ako manlalaban.” Gumaan ang pakiramdam ni Gideon. Hinaplos niya a