Kabanata 271

Hindi man nagpasabi ang mga ito na pupunta ngayong araw. Dahil kung sakali, hindi rin naman papayag si Elliot. Hindi sanay si Shea na makakita ng ibang tao at alam niyang matatakot lang ang kapatid niya. Nagmamadaling tumayo si Rosalie para salubungin si Shea. Abot-tenga ang ngiti niya at gusto niya sanang yakapin si Shea. Pero humarang si Elliot, “Mommy, bakit hindi man lang kayo nagpasabing pupunta kayo?” “Ngayon ang–Nagdala ako ng cake.” Pautal-utal na sagot ni Rosalie. “Alam ko dapat nagsabi muna ako sayo, pasensya na kasi hindi ko mapigilan ang sarili ko… Gusto niyang makita si Shea. Nang marinig ni Shea ang boses ni Rosalie, magkahalong kaba at pagtataka ang naramdaman niya. Nakita ni Rosalie na sumisilip si Shea habang nakatago sa likuran ni Elliot. “Shea, hindi ka naman natatakot sa akin diba?” Sobrang hinahon na tanong ni Rosalie. Biglang yumuko si Shea at napahawak ng mahigpit sa damit ni Elliot. Nang maramdaman yun ni Elliot, hinawakan niya ang kamay ni Shea pa