Kabanata 1054

Ang buong akala ng bodyguard ay nagkamali lang ito ng dinig. “Asawa? Sinong asawa mo?” Nagtatakang tanong ng bodyguard. Rinig na rinig ni Elliot ang boses nito mula sa kabilang linya. “Sino pa ba bukod kay Elliot? Ikakasal na rin naman kami.” “Oh! Hindi pa kayo kasal pero asawa na ang tawag mo sakanya?” Tukso ng bodyguard. “Sige, alagaan mo na sya. Ako ng bahala kay Adrian.” Kung wala lang siguro si Elliot sa tabi niya, baka nakiusap siya sa bodyguard na makausap si Adrian kahit sandali. Tumingin si Avery kay Elliot, pero bigla itong tumalikod sakanya. Kaya inilapag niya ang kanyang phone sa side table, at niyakap ito. “Kamusta na ang pakiramdam mo?” Malambing na tanong ni Avery, sabay kapa sa noo ni Elliot. Bigla nanamang naalala ni Elliot ang nangyari kahapon, kaya inalis niya ang kamay ni Avery. “Sorry na nga, diba? Alam ko naman na nagkamali ako.” Niyakap ni Avery ng mas mahigpit si Elliot at malambing na nagtanong. “Nagugutom ka ba? Ikukuha kita ng pagkain.” “Ba