Kabanata 864 Ibang Pinagmulan

Ganoon din, tumango si Andrea, “Hintayin mo ako. Kukunin ko lang ang mga gamit ko..” Matapos makuha ang pahintulot ni Vickie, umalis na siya. Hindi nagtagal, bumalik rin si Andrea. May dala siyang isang maliit na leather box saka niya ito nilagay sa mesa. Nang tingnan ni Vickie ang kahon, nakita niyang marami itong laman na iba’t ibang bagay. Hindi mapigilang magbiro ni Vickie. “Wow, kumpleto ang mga kagamitan mo ha?” Ngumiti si Andrea at tumugon, “Oo naman. Dahil hindi ako masyadong magaling, dapat maganda ang kagamitan ko. Miss Vickie, humiga ka muna sa kama.” Sinunod ni Vickie ang sinabi ni Andrea at humiga siya sa kama. Kinuha ni Andrea ang bangko mula sa dressing table saka siya umupo at tumapat sa ulo ni Vickie. Pinainit niya muna ang kanyang kamay saka niya sinimulang hilutin nang marahan si Vickie. Nagpapakumbaba lamang si Andrea nang sabihin niyang hindi siya magaling. Ayon sa karanasan ni Vickie, halata namang magaling ang babae. Malambot ang mga daliri ni Andrea