Kabanata 792 Ilagay Ang Sarili Sa Kapahamakan

Hindi na nagpatumpik-tumpik pa si Jennie. Nag-impake na siya at umalis. Kaaalis niya lamang sa dorm nang matanggap niya ang tawag ni Vickie. Lumabas siya para puntahan ito. Nagkita ang dalawa sa isang hotpot restaurant. Kakaiba ang kainan na ito kumpara sa mga mumurahing pinupuntahan ni Jennie. Hindi lamang presko ang mga sangkap rito, pero first class rin ang dating ng lahat. Dahil ito ang unang beses ni Jennie na makapunta sa ganitong lugar, hindi siya mapakali pagkapasok. Lumuwag lamang ang kanyang loob nang dalhin siya ng waiter sa 2nd floor sa isang private room kung saan nakaupo si Vickie. “Ate!” Bulalas niya habang nakangiti. Inangat ni Vickie ang kanyang titig at masaya niyang binati si Jennie, “Naririto ka na! Umupo ka rito.” Sinunod ni Jennie ang kanyang kapatid at umupo siya sa tapat nito. May niluluto ng pagkain si Vickie. Gumamit si Vickie ng chopsticks saka siya naglagay ng karne sa kaldero, “Kumain muna tayo at mag-usap.” Tumango si Jennie at kumuha rin siya ng