Kabanata 268 Biyaya o Sumpa

Nagulantang si Nell. Hindi niya ito masyadong inisip, pero inakala niyang magandang bagay na magkaroon ng oportunidad na makabalik sa tunay na pamilya. Matapos marinig ang opinyon ni Gideon, naramdaman niyang isang mapanganib na lugar ang pamilya Garrett at hindi ito basta-bastang mapapasukan. Dagdag pa roon, mukhang hindi magandang bagay na mahanap nila ang bata. Biglaan, muli niyang naisip si Stephanie. Narinig niyang kapalit si Stephanie ng batang nawawala at inampon lamang ito ng Madam Garrett kinalaunan. Sa loob ng ilang taon, tinuring siya ng Garretts na parang sarili nilang apo at inalagaan siya. Kung hindi dahil sa sakit ng Old Master, hindi na nila maiisip na hanapin pa ito. Kapag bumalik na nga ang bata, saang posisyon naman mailalagay si Stephanie? Siguradong may karapatang magsalita si Stephanie sa ganitong bagay. Habang nag-iisip, napabuntong hininga siya. Inobserbahan ito ni Gideon. Tumawa siya saka tinapik ang ulo ng babae, “Huwag kang mag-alala, sasabihan ko p