Kabanata 1075 Hindi Na Siya Galit

Napatawa si Gideon sa hiya. Ganoon din, tinitigan ni Nell si Lizzy saka siya nagtanong, “Kumusta naman kayo diyan sa China? Nagpapakabait ba kayo?” Seryosong tumango si Lizzy at saka siya sumagot sa isang mahinang boses, “Miss ka na namin, Mama. Kailan kayo uuwi?” Natunaw ang puso ni Nell sa simpleng pagtingin sa dismayadong mukha ng bata. Agad niyang inalo si Lizzy. “Uuwi na ang papa at mama bukas. Magpakabait kayong dalawa ha, huwag kayong makulit at huwag niyong galitin ang lolo at lola niyo. Nauunawaan niyo ba?” Tumango ulit si Lizzy. Kita ang bigat ng kanyang loob. Sa pagkakataong ito, lumitaw naman ang munting Viemond nila habang nagliliwanag ang mga mata nito. May hawak siyang robot sa kanyang kamay at ipinakita niya ito kay Nell. “Mama, tignan mo. Ako ang gumawa ng robot na ito. Ibibigay ko ito sa iyo pagkauwi mo.” Tinignan ni Nell ang bata. Mukhang namana ni Viemond ang talino ni Gideon. Kahit limang taong gulang pa lamang ito, marami na siyang nagagawa nang mag-isa,