Kabanata 27 Sasayaw Kasama Siya

“Wala na. Hindi ko na talaga siya mababayaran…” Halos maiyak na si Yvonne. “Mabayaran ang alin?” Makikita ang pagkalito ni Lynette. Kinaway lang ni Yvonne ang kanyang kamay. “Wala, wala. Sabi ko malamang malaki ang binayaran ng asawa ko para ma-rentahan ‘to at baka hindi na niya mabayaran ang credit card niya.” “Nirentahan lang ‘to?” “Akala mo ba binili niya ang mga ‘to? Kung ganoon kayaman ang asawa ko edi sana hindi na ko nagtatrabaho.” Pilit na ngumiti si Yvonne saka ito tumingin palayo. “Oo nga no. Sabagay, bihira rin kitang makita mag suot ng branded na damit.” Hinimas ni Lynette ang kanyang baba at napaisip na may punto nga si Yvonne. Nang makita ni Yvonne na paakyat na si Henry sa entablado hawak ang mikropono, mahina niyang siniko si Lynette, “Mamaya na tayo magchikahan, magsisimula na ang speech ni Mr. Lancaster.” Agad na inayos ni Lynette ang kanyang damit at tinikom ang kanyang bibig. Sa entablado, tumingin si Henry sa mga tao at pakiramdam ni Yvonne ay tuma