Kabanata 849

“Naniniwala ka na ba ngayon sa mga sinasabi ko?” Ipinalakpak naman ni Noir ang kaniyang mga kamay habang nasa gitna siya ng pagngiti. Agad namang nagdilim ang itsura nina Caestus at Baron. Naintindihan na rin nila ang kanilang sitwasyon. Nahulog na nga sa kamay ng mga Lycantroops ang Northern Border. Hindi nila inasahan na magbabago nang ganito ang sitwasyon ng laban. “S… S…” Tumingin si Caestus kay Andrius hanggang sa mabanggit niya nang tuluyan ang mga salitang, “Sumusuko na ako.” “Sumusuko na rin ako.” Wala na ring pinanghahawakan pa noong mga sandaling iyon si Baron. Ito na ang naging pagsuko ng mga Master ng Northern at Central Warzone na sinundan ng pagsuko ng milyon milyon nilang mga sundalo na nahulog sa kontrol ng mga Lycantroops. “Walong mga Commander,” Tawag ni Andrius. “Sir!” “Mamili kayo ng mga sundalo sa mga sumukong kalaban para iintegrate sa inyong mga hukbo ayon sa orihinal nating proportion sa lalong madaling panahon. At pagkatapos…” Tumingin si Andrius sa kanan bago