Kabanata 324

“Mm-hmm.” Nang makaalis siya sa opisina, sumakay si Andrius sa kaniyang electric bike papunta sa clinic ni Dr. Artemis. Pero nang makarating siya roon, wala na siyang nakita kundi ang sira sirang clinic. Wala ng natirang maayos sa mga lamesa, upuan at mga rack sa loob nito. Wala na rin sa loob nito sina Dr. Artemis, Lyra, Fatty Frank, Angel at ang iba pang mga nasaktang miyembro ng Team Five. Hindi na naging maganda ang pakiramdam ni Andrius sa kaniyang nakita nang mapansin niya ang mga salitang isinulat sa lamesa gamit ang dugo. Hindi pa ito tuluyang natutuyo. “Pare, kung gusto mo silang iligtas, magpunta ka sa abandonadong factory sa western suburbs. Huwag kang maglelate!” Agad na dumilim ang itsura rito ni Andrius. Nagawa niyang parusahan nang kaunti si Louis kagabi pero nagawa pa rin nitong gantihan si Fatty Frank at ang iba niyang mga kasama. Nadamay maging si Dr. Artermis at Lyra sa gulong ito. Agad siyang sumakay sa kaniyang electric bike para magpunta sa lokasyong bina