Kabanata 1136

Hindi naiwasang matigilan at mapalingon ni Kate nang marinig niya ang mga salitang iyon. Kasalukuyang nagpapakita si Luna ng nanlalamig na itsura sa kaniyang mukha habang parang nagyeyelong mga bituin naman ang kaniyang mga mata. Naramdaman ni Kate na ibang iba na si Luna ngayon. Pero hindi niya masabi kung saan banda rito ang problema. Kahit na ano ang mangyari, asawa pa rin si Luna ni Andrius kaya natural lang na mayroon itong awtoridad na gawin ang mga ganitong klase ng bagay. “Oh, kung… I-ikaw na ang bahala kung ganoon.” Ibinuka ni Kate ang kaniyang bibig bago siya makaramdam ng panunuyo sa kaniyang lalamunan. Nautal siya sa pagsasalita pero agad pa rin siyang tumabi para kay Luna. Nagpunta si Luna sa kaldero para tingnan ang iba’t ibang mga herb, isa isa niyang kinuha ang mga ito para alamin kung ano ang mga iyon. Kahit na hindi siya naging kasing husay ni Andrius. Nagawa pa rin nyiang makilala ang mga halamang gamot na ito. Nang makita niya ito, agad na nagpaliwanag si Kat