Kabanata 15

”Abala ako. Kung iyon lang, tigilan mo na ang pang-iistorbo sa’kin,” sabi ni Yohan bago pinatay ang tawag. Malinaw na ayaw niyang pag-usapan ang tungkol sa pakikipaghiwalay kay Clara. Kung mangyayari man iyon, siya ang dapat na magdidikta nito. Anong nagbigay sa babae ng karapatang pangunahan ito? Ayaw niyang tanggapin na gusto siya nitong iwan. Samantala, medyo nabigla si Clara. “Ganoon lang kadali para sa atin ang magpakasal sa isang iglap. Bakit ang hirap makipaghiwalay? Hindi naman natin mahal ang isa’t-isa, kaya bakit ayaw niya ng divorce?” Inakala niya na dahil magkaiba sila ng pinanggalingan at walang nararamdaman para sa isa’t-isa, matutuwa ito kung humingi siya ng divorce. Saka lang niya naalala ang sinabi nito na kung makikipagdiborsiyo ito, sisimulan nanaman itong kulitin ng lola na magpakasal muli. Kaya naman, nagpadala ng text si Clara kay Yohan. “Mr. Morris, pwede nating palihim na lakarin ang divorce. Nangangako akong hindi malalaman ng pamilya mo ang tungkol doon. Sa ga