Kabanata 381 Perpektong Magkasintahan  

Habang nasa hapag kainan at naghahapunan.   Naupo si Master Fudd sa master’s seat. Naupo sa bandang kaliwa sina Heaton at ang kanyang pamilya, habang kaharap naman nila sina Lain at Nancy.   “Tara na’t kumain.”   Kumurap-kurap ang malalaking mata ni Little Jelly Bean habang kinukuha ang kanyang chopstick at pambatang kutsara. Saka ito magalang na nagsalita, “Grandpa, mauna na po kayo. Kakain po kami kapag nakapagsimula na po kayo.”   Bahagyang natawa si Old Master Fudd at sinabing, “Napakamaaalalahanin mo naman, Little Jelly Bean. Oh siya, kumain na tayo bago pa lumamig ang pagkain.” Dahil walang makita si Heaton, tinulungan siya ni Verian maglagay ng pagkain sa kanyang plato.   Napansin ni Lain na ginagamit ni Verian ang kanyang chopsticks para kumuha ng pagkain para kay Heaton, kaya pinaalalahanan niya ito, “Verian, germaphobe si Heaton. Gumamit ka ng serving chopsticks kapag kukuha ka ng pagkain para sa kanya.”   Nagulat si Verian. Hindi naman dahil ayaw niyang gumamit ng serving