Kabanata 362 Inaatake Ako ng Insomnia Noong Wala Ka

Napuno ang gabing iyon ng ligaya at kalungkutan. Halo-halo ang emosyon na nararamdaman ni Verian. Sa mga oras na ito, muli na siyang nasa mainit na mga yakap pero hindi siya makatulog. Dahil nandoon si Heaton, nagkaroon siya ng lakas ng loob para sumilip sa madilim na bintana kung saan maaaring may isang nilalang na lumulutang. Sa kabilang banda, si Heaton naman ay hindi nakapagpahinga sa loob ng halos na 48 na oras dahil sa pagmamadali nito na makarating sa South City. Sa ngayon, mas nadama niya ang pagod habang yakap-yakap ang malambot at mabangong katawan ni Verian. Ibinalot niya si Verian sa kanyang mga bisig at inamoy ang halimuyak ng buhok nito. Hinalikan sa may sintido at bumulong ng, “Tulog na tayo.” Nanlaki ang mga mata ni Verian habang hawak-hawak ng kanyang maliliit na kamay ang braso ni Heaton na nakapulupot sa kanyang katawan. “Heaton, mayroon ba talagang mga multo rito?” Napangiti naman si Heaton habang nakapikit. Niyakap pa nito si Verian nang mas mahigpit at