Kabanata 112 Isang Balyena

“The Empathy Clinic. Sige. Tatandaan ko yan!” Nagmadaling binaba ng babae ang tawag. Inulit niya sa sarili niya. “Tumawag muna ng pulis, tapos kumuha ng ebidensiya…” Dahan-dahang lumipas ang oras. Kinakabahan na ang mga manonood ng livestream. “Pwede bang may magsabi sa'kin kung anong nangyayari?” “Wala rito ang streamer? Anong meron rito?” “Magaling siguro ang streamer na'to. Paanong napakarami pa ring manonood dito ngayong wala mismo sa paligid ang streamer? Pangatlo na siya sa trending list!” Habang tumaas ang kasikatan ng livestream, nagsimulang mainip ang management team ng platform. May mga patakaran sa platform. Kung walang ginawa ng streamer nang higit sa dalawampung minuto, babalaan siya na mabo-block ang account niya. Masyadong nakakainis ang bagong streamer na ito! Bakit di pa siya bumabalik! Napansin lang ni Wynter ang dalawang warning notifications mula sa platform pagkatapos niyang ayusin ang usapin. “Unang babala: na-detect ng system na isa itong pekeng accoun