Kabanata 997 Makasarili Ang Mga Tao

Hindi nagtagal, inilapag ulit ni Sean ang pill. “Si Jeff ang nagbigay nito sa iyo?” Tumango si Vickie. “Sinabi niyang ang mga miyembro lamang ng Flinders ang pwedeng makakuha nito. Pinasuri rin naman ito sa mga mahuhusay na doktor, pero hindi rin nila mawari ang sangkap, lalo naman ang gayahin ito.” Bumigat ang ekspresyon ni Vickie. Tumango si Sean. “Oo naman, hindi nila ito kayang gayahin. Hindi ito isang medisina, kundi isa itong prutas ng halamang tinatawag na Money Bead!” Nagulantang ang lahat nang marinig ito. “Money Bead? Ano iyan?” Sumagot nang mahina si Sean, “Isa itong bibihira at nakakalasong halaman. Sinasabing tumutubo lamang ito sa mga sobrang lamig at tuyo na lugar, madalas malapit ito sa mga puntod. Nabasa ko lang naman ito sa mga libro at iba pang reference materials, pero hindi ko pa ito nakikita sa personal.” Nawalan ng kulay ang mukha ni Nell. “Hindi ito binebenta?” Sinulyapan ni Sean si Nell saka siya suminghal nang malamig. “Binebenta? Akala ko nga wala n