Kabanata 897 Mas Malaking Kalaban

Nang matulog si Vickie sa kwarto niya, hindi siya nag-iisa. Sa halip, magkasama sila ni Amber habang may apat na lalaking nakabantay sa labas. Ngumiti na lamang nang mapakla si Vickie nang makita niya ang mga bantay nila. Kahit isa pa siyang Diyos, hindi siya makakatakas! Bumuntong hininga siya nang palihim at ipinikit na lamang niya ang kanyang mga mata para makapagpahinga. Tahimik talaga ang mga gabi sa nayon. Pagsapit ng dilim, wala ng ibang maririnig maliban sa mga tunog ng insekto. Mamaya-maya, narinig ni Vickie ang hininga ng isang babae. Sa pinto, rinig niya rin ang hilik ng apat na lalaki. Pagod na pagod si Vickie, pero sa hindi masabing dahilan, hindi siya makatulog. Bigla niyang naisip ang isang problema. Nang sinubukna niyang tumakas mula sa villa kanina, malinaw namang si Lucius ang nagdala sa kanyang paalis. Subalit, pagkagising niya, si Amber lamang ang nakita niya. Saan siya nagpunta? Kahit nababahala si Vickie sa lalaking iyon at sigurado siyang hindi magan