Kabanata 676 Tadhana Na Ito

Napatitig si Natalie sa kanyang asawa saka suminghal, “Talaga ba? Bakita pakiramdam ko masyado siyang mahalaga sa iyo kaya hindi mo kayang pinagpipiyestahan siya ng publiko?” Naging blangko ang ekspresyon ni Xavier. “Nat, hindi mo ba alam ang nararamdaman ko para sa iyo? Ilang taon na, matagal na akong—” Ayaw nang pakinggan ni Natalie ang sasabihin ng lalaki. Pinutol niya ito saka tumayo para umalis ng kama. “Tama na. Hindi mo na kailangang magpaliwanag.” Sinundan ni Xavier ang kilos ng babae. Nang mapansin niyang nagsusuot ito ng tsinelas, nagtanong siya, “Saan ka pupunta?” “Pupunta ako ng guest room. Doon ako matutulog.” Hindi alam ni Xavier ang sasabihin. Hindi pwedeng patulugin niya si Natalie sa guest room. Hindi siya papayag. Ano na lang ang iisipin ng kanilang pamilya kapag nalaman nilang natutulog sila nang magkahiwalay? Bukod pa roon, kilala niya ang babaeng ito. Kailanman, hindi ito natulog sa ibang kwarto kahit gaano pa kalaki ang away nila. Ibig sabihin mukhang nasak