Kabanata 669 Gamot Para Sa Sugat

Tumitig nang masama si Lucy Katz kay Joel. “Talagang sa iyo pa iyan nanggaling?” Ngumiti si Joel saka hinaplos ang sulok ng bibig ni Lucy. “Pasensya na, nadala lang ako. Hindi ko napigilan ang sarili ko. Dadalhin kita sa doktor mamaya.” Nang marinig ito, lalong namula ang mukha ni Lucy. Nagngitngit ang kanyang ngipin at sumagot siya, “Tumigil ka! Hindi ako pupunta. Ikaw na lang kung gusto mo.” Hindi naman mukhang galit si Lucy nang sabihin ito, sa halip, mukha siyang bata na nagmamaktol. Ganoon pa man, naramdaman ni Joel ang umuusbong na galit sa kanyang puso. Upang maiwasan ang isang bagay na pagsisisihan niya, binago niya ang paksa. “Aalis na tayo mamaya. May mga lugar ka pa bang gustong puntahan? Sasamahan kita.” Napaisip si Lucy. Sa totoo lang, bibihira lamang siya magkaroon ng bakasyon, kaya gusto niya sanang matulog lang. Ayaw niyang gumala. Dagdag pa roon, pinago siya ng lalaki kagabi. Wala siya sa kondisyon para maglibot-libot. Kaya, umiling ang babae. Nang makita i