Kabanata 587 Ulitin Muli

Muling nagulat si Lucy. Hindi niya inakalang sasabihin ito ni Joel sa kanya. Mararamdaman ang katapatan at sakit sa kanyang tono, para bang mamamatay siya at hinihintay siyang iligtas ni Lucy. Hindi inakala ni Lucy na ganito pala kalalim ang pagmamahal ng lalaki para sa kanya. Ma-pride pa naman ito at laki sa layaw! Para bang walang kahit anong bagay sa mundo ang kayang makapagpaluhod sa kanya. Ngunit sa pagkakataong ito, nakayakap siya kay Lucy at nagmamakaawa… Agad na tumulo ang luha ni Lucy. Matapos ang isang sandali, nagsalita siya sa isang garalgal na boses. “Joel, alam mo ba kung ano ang sinasabi mo?” “Alam ko.” Ibinaba ni Joel ang kanyang boses at saka nagsalita, “Pasensya na, lagi kong iniisip ko na sasabihin ko lang sa iyo ang tunay kong nararamdaman kapag nakatanggap na ako ng oo mo. Lagi akong naghihintay na ikaw ang mauna. Pero nakalimutan kong ako ang nagsimula ng relasyon, at ako rin naman ang laging nangungulit.” “Pasensya na kung nasaktan kita dahil sa pride